Kapasitetsvurdering av vatn- og avlaupsrør, Rauland sentrum til Raulandsgrend

Beskriving

Oppdraget omfattar ei overordna kapasitetsvurdering av vatn- og avlaupsnettet frå Rauland sentrum og nordover mot Raulandsgrend. Analysen skal identifisere svake punkt i leidningsnettet, vurdere moglegheit for omkjøring og beredskap, og gi anbefalingar for framtidige tiltak.

Bakgrunn for oppdraget:
Vinje kommune ser at Miningsskar bustadfelt, Rehabiliteringssenteret AiR og Haddeland-strekka i dag berre har eit 110 mm og eit 63 mm vassforsyningsrør. Dersom det oppstår brot på 110 mm-røyret, vil ein ikkje kunne oppretthalde nødvendig vassforsyning ved å berre bruke 63 mm-røyret. Dette representerer ein kritisk sårbarheit for forsyningstryggleik og beredskap i området. Kapasitetsvurderinga skal derfor gi grunnlag for å identifisere tiltak som sikrar robust vassforsyning til eksisterande og framtidige behov.

Kontrakten skal gjennomførast i samsvar med NS 8401 – Alminnelige kontraktsbestemmelser for rådgivningsoppdrag.

Kvalifikasjonskrav utover DIO føresetnadane.

Leverandøren skal ha nødvendig fagkompetanse og erfaring til å gjennomføre oppdraget på ein forsvarleg måte. Det vert stilt følgjande krav:

* Leverandøren skal ha erfaring frå tilsvarande VA‑kapasitetsvurderingar, særleg innan analyse av leidningsnett, flaskehalsar og beredskap i vassforsyningssystem.

* Tilbydd personell skal ha relevant VA‑ og hydraulikkfagleg kompetanse, inkludert erfaring med hydrauliske berekningar og bruk av aktuelle analyseverktøy.