Intensjonskunngjering omsorgsbustader

Gjennom denne intensjonskunngjeringa gjer Alver kommune marknaden merksam på at kommunen har til intensjon å inngå avtale med Alverporten Bolig AS. Avtalen gjeldt kjøp av omsorgsbustader, samt personalbase og dagsenter i Knarvik. Alver kommunestyre har i sak PS 48/26 gitt Kommunedirektøren fullmakt til å kunngjera intensjonskunngjering. Kommunestyrevedtaket slår fast at Kommunedirektøren skal kome tilbake til kommunestyret med eiga sak før eventuell avtale blir inngått. Etter oppdragsgjevar si vurdering fell anskaffinga utanfor verkeområdet til anskaffingslova og forskrifta, jf. FOA § 2-4 bokstav a. Føresegna gjeld kjøp eller leige av eksisterande bygningar, men det følgjer av rettspraksis at unntaket òg omfattar kjøp eller leige av bygningar som enno ikkje er oppførte. Føresetnaden er at avtalen er ein reell kjøpekontrakt og ikkje i røynda ein byggje- og anleggskontrakt. Alver kommune har sett som ein føresetnad at aktuelle bueiningar må oppfylle Husbanken sine reglar for omsorgsbustader, men har elles ingen påverknad på byggjearbeidet. Kommunen sin risiko er avgrensa til å betale avtalt kjøpesum når vilkåra for overtaking er oppfylte. Prosjektet består av 63 leilegheiter samt personalbase og dagsenter.